SO’ A LINGUA CORSA



Le sang de mon esprit, c'est ma langue,

la sève de ma terre, c'est ma langue ...

Eiu sò la lingua corsa,

ùn voddu micca mora,


Sò la lingua materna di li vosci antinnati

Parchì à tempu d'oghji, vulemu tena fora?

O Corsi, senza mè, sareti sbattizzati!!!

M’aveti ghjà spuddatu di li paroli antichi,

M’aveti infrustiritu è m’aveti ingannatu

Di ciò ch’eiu sò stata,

ferma pochi vistici

Parch’aveti vargugna di tena u me parlatu….

Eiu sò la lingua Corsa, di li vosci maiori

Chì hè stata aduprata frà i seculi sani

Quidda par dì « o mà »,

quidda par dì « dulori »

Quidda chi hè stata sempri in bucca di l’Anziani

Eiu sò la santa lingua chì dopu à u culombu

Ni chjamaia à l’aiutu par salvà u paesi

Sò quidda chì chiria a polvara è u piombu


Pà stirpà Sarraccini, Grechi o Genuvesi ...

Sò a lingua di quelli chì oghje sò spariti

Chì ghjacenu in sta terra di dolu è di pientu

E voi, i so figlioli, firmati russuriti

S’é in giru à voi, in corsu, vi si canta u lamentu!

Sò la lingua materna di le vostre mammone

Chi cuntavanu fole in giru à lu fucone

Chì cantavanu gioie, chì cuntavanu affanni

In l’unicu parlà di tuttu lu rughjone ...

Sò quella chì, luntanu, chjamava u rispettu,

Frà la ghjente amica, é ancu più furestera

Sò quella chì sincera , sbuttava da u pettu

Di dui corsi spersi in un fondu di galera ...

S’é voi perdite à mè, perdite a vostra razza

Un s’ammentarà più, nè ceppu, nè casala

Ne serete in stu mondu una rubbaccia lazza

U Corsu ùn serà più chè lingua tralasciata…



Eiu sò lingua Corsa

Ch’ùn voli micca mora

Sò la lingua materna

Di li vosci antinnati …..

domenica 20 giugno 2010

Pubblicato da alle

Nessun commento:

Posta un commento

Nota. Solo i membri di questo blog possono postare un commento.

Iscriviti a: Commenti sul post (Atom)